ថ្ងៃអង្គារ ១១ រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១០ ខែ តុលា ឆ្នាំ២០២៣ វេលាម៉ោង ០៩និង០០នាទីព្រឹក ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំកិច្ចប្រជុំប្រចាំខែ របស់អគ្គនាយកដ្ឋានលទ្ធកម្មសាធារណៈ នៅសាលប្រជុំអគារ ឃ ជាន់ផ្ទាល់ដី ទីស្ដីការក្រសួងសេដ្ឋកិច្ច និងហិរញ្ញវត្ថុ។
ថ្ងៃទី
| ទីកន្លែងព័ត៌មាន និងព្រឹត្តិការណ៍ | កម្ពុជា |
កិច្ចប្រជុំនេះមានការចូលរួមពីថ្នាក់ដឹកនាំ និងមន្ត្រីរាជការនៃអគ្គនាយកដ្ឋានលទ្ធកម្មសាធារណៈទាំងអស់ និងមានការចូលរួមពីតំណាងអគ្គនាយកដ្ឋានសវនកម្មផ្ទៃក្នុង និងអគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ ដើម្បីពិនិត្យនិងពិភាក្សាអំពី៖
១-របាយការណ៍នៃការអនុវត្តផែនការសកម្មភាពកែទម្រង់របស់ក្រុមការងារទាំងបួន
២-របាយការណ៍នៃការអនុវត្តការងារប្រចាំខែកញ្ញា និងទិសដៅសម្រាប់អនុវត្តការងារក្នុងខែតុលា ឆ្នាំ២០២៣ របស់នាយកដ្ឋាននីមួយៗ និង
៣-បញ្ហាផ្សេងៗ
